دة برنامج او موضوع سموه زى ماتسموه اسمه (( عالقهوة معايا ))
والبرنامج او الموضوع دة زى القهوة تمام ( كافيه عشان الناس الحلوة اللى مش بتعد على قهاوى )
يعنى كله يتكلم ويفتح قلبه .. هه؟؟ يفتح قلبه ويصحى ضميره كدة ويبطل نفسنة عالعالم
نضحك نقول نكت نتكلم بجد ودى احلى حاجة فينا تلاقى كل واحد مشمر بقا وعايز يعمل فيها ابو العريف وانا منهم طبعا وهوب نقفش فى بعض ونرجع تانى نتصالح ههههههههههههه
هو دة اللى عايز اقوله !!! قول اللى جواك محدش هايضربك مع طبعا الاحترام للأخرين يعنى مفيش شتيمة ولا قلة ادب ولا قلة ذوق ولا اللى بالى بالك !!
عايزين تفتحو موضوع ونتكلم فيه اوك اهلا وسهلا ونحكى فيه
ومتخافوش فى كراسى كتير بس المشاريب (help your self )
يعنى محدش يطلع فى النص كدة يقولى احنا مش على قهوة امال فين بتاع المشاريب ؟؟ هههههههههههه
وجوة الموضوع هابتدى اقول على شوية حاجات ويارب نمشى عليها واتمنى انكو تستفادو منها
فى واحد كدة من اللى بينفسن هايقول هو الواد اللى اسمه هانى دة عاكل موضوع زى اللى بييجى فى نجوم اف ام هاقوله اه بس عشان احنا مش عارفين نطلع فى الراديو احنا هانتكلم مع بعض ونطلع فى النت ويلا مش عايز اطول اكتر من كدة انا هاركن العربية اهه وهانزل اعد .....
اللى هايخش القهوة هايلاقينى اعد على اليمين كدة جمب نصبة الشاى ...